Viðhorf til Íslands hjá hinum almenna ferðamanni og skiptinemum á Íslandi

Ferðaþjónustan hefur tekið fram úr sjávarútveginum sem var lengi vel okkar helsta útflutningsgrein og er nú stærsta útflutningsgrein Íslands. Í dag ferðast fólk meira en áður fyrr og hefur ferðamannaiðnaðurinn stækkað mjög hratt á skömmum tíma á alheimsvísu. Með hnattvæðingu hafa samskipti milli landa aldrei verið betri og því er mikið um að háskólar séu í samstarfi milli landa sem gerir skiptinám auðveldara. Í þessari ritgerð er farið yfir mikilvægi þess að viðhalda jákvæðri ímynd lands og mikilvægi þess að stunda og viðhalda markaðssetningu þess. Markmið rannsóknarinnar var að sjá hvort skiptinemar horfi öðruvísi á Ísland heldur en þeir erlendu einstaklingar sem svöruðu viðhorfsrannsóknum Íslandsstofu. Íslandsstofa hefur gert greiningar á viðhorfi erlendra einstaklinga undanfarin ár en þau gögn voru borin saman við niðurstöður könnunar sem höfundar settu upp fyrir skiptinema. Við samanburðinn kom í ljós að skiptinemar eru almennt jákvæðari en svarendur viðhorfsrannsóknar Íslandsstofu. Skiptinemar eru mun jákvæðari gagnvart íslenskum vörum og því að ferðast innanlands