Upplýsingar um húsnæðismál. Hvaða úrbóta er þörf varðandi aðgengi að áreiðanlegum og samræmdum upplýsingum um húsnæðismál á Íslandi?

Markmið rannsóknarinnar er tvíþætt. Annars vegar er henni ætlað að gefa góða yfirsýn yfir stöðu upplýsinga um húsnæðismál á Íslandi og aðgengi að þeim og hins vegar að skoða hvaða úrbóta er þörf til þess að bæta upplýsingar um húsnæðismarkað og tryggja aðgengi almennings, stjórnvalda og hagsmunaaðila að áreiðanlegum upplýsingum um húsnæðismál. Við rannsóknina var stuðst við eigindlega rannsóknaraðferð. Tekin voru fimm viðtöl við sérfræðinga sem allir hafa þurft að styðjast við upplýsingar um húsnæðismál í störfum sínum og þekkja því vel til málaflokksins. Helstu niðurstöður rannsóknarinnar voru þær að upplýsingum um húsnæðismál hér á landi sé verulega ábótavant og að ekki hafi verið forgangsraðað með nægjanlega skilvirkum hætti í þágu þess að bæta upplýsingar um húsnæðismarkað. Viðmælendurnir nefndu að bætt upplýsingagjöf á húsnæðismarkaði væri lykilforsenda þess að stuðla að auknu jafnvægi á húsnæðismarkaði. Niðurstöður rannsóknarinnar sýndu einnig að þrátt fyrir að enn megi margt bæta í málaflokknum þá hefur málaflokkurinn fengið aukna vigt undanfarna mánuði og unnið er að verkefnum sem munu koma til með að stórbæta upplýsingagjöf á húsnæðismarkaði til lengri tíma litið. Viðmælendurnir töldu að það væri mikilvægt að tryggja farsæla innleiðingu þeirra verkefna og að málaflokkurinn yrði settur í forgang