Hver er ég sem flóttamaður? Umfjöllun um stöðu flóttafólks í heiminum og aðlögun þeirra í nýjum löndum.

Flóttamannahugtakið er flókið fyrirbæri sem erfitt er að skilgreina á einn eða annan hátt. Það felur í sér mikinn fjölbreytileika sem ómögulegt er að ná yfir með stuttri skilgreiningu. Í dag má heyra talað um flóttafólk nánast daglega enda hefur fjöldi flóttafólks í heiminum aldrei verið meiri. Þessi mikli fjöldi fólks flýr heimili sín ekki af ástæðulausu heldur er ástand í mörgum ríkjum svo slæmt að ekki er hægt að ætlast til að nokkur geti búið þar. Fólkið flýr því til annarra landa í von um tækifæri og betra líf. Í þessum framandi löndum bíða þeirra nýjar áskoranir er kemur að því að aðlagast ólíkum siðum og venjum. Ríki sem taka á móti flóttafólki þurfa að huga að ýmsu er varðar móttöku og aðlögun flóttafólksins og hvað þarf til að þetta verði jákvætt ferli. Það er margt sem þarf að huga að þegar kemur að því að aðstoða fólk sem hefur þurft að flýja stríð eða ofsóknir og er það sameiginlegt verkefni alþjóðasamfélagsins að sjá til þess að flóttafólk geti búið á öruggum slóðum