Verkefnastjórnun í kvikmyndagerð : hver er verkefnastjórnunarlegur þroski í kvikmyndagerð

Kvikmyndagerð er verkefnadrifin atvinnugrein og framleiðsluverkefni í greininni eru mjög fjölbreytt hvað varðar umfang og áherslur. Hversu þroskuð er verkefnastjórnun í kvikmyndagerð og hvað einkennir verkefnastjórnun í greininni? Til að meta árangur og stöðu eru þroskalíkön gagnleg til að gefa gott sjálfsmat á stöðu mála. Samkvæmt þroskamati virðist kvikmyndagerð vera ferlavædd og samhæfð aðferðafræði vera ríkjandi. Þó vantar töluvert uppá formlega skjölun, formlega þjálfun starfsfólks og stjórnsýslulegt utanumhald. Verkefnastjórnun í kvikmyndagerð leggur áherslu á teymisvinnu, skýra hlutverkafléttu og kostnaðarstjórnun. Stöðluð ferli og vinnubrögð eru til staðar þrátt fyrir littla vitund um hugtök og staðla verkefnastjórnunar. Myndast hafa í atvinnugreininni ferlar sem eru notaðir og þekking þróast með mannauðnum