Viðhorf til fötlunar í litlu sveitarfélagi

Meginviðfangsefni verkefnisins er að varpa ljósi á líf og aðstæður fatlaðs manns, sem var fæddur árið 1992 og fjölskyldu hans frá fæðingu og fram á daginn í dag. Enn fremur var skoðað með hvaða hætti lítið sveitarfélag út á landi brást við og stóð að þjónustu við hann. Notuð var lífssöguaðferð og leitast við að varpa ljósi á sögu fjölskyldunnar. Verkefnið byggir að stórum hluta á reynslu minni sem systir mannsins en auk þess voru tekin viðtöl við móður okkar ásamt samtölum við einstaklinginn sjálfan. Sagan er því ekki sögð út frá sjónarhóli bróður míns en hann gaf leyfi fyrir umfjöllun minni á lífi hans í sögunni. Í lífssögunni kemur meðal annars fram að skortur var á þjónustu við viðkomandi og fjölskyldu hans og oft hefur vantað skilning á þörfum og væntingum fjölskyldunnar. Svo virðist vera að langur vegur sé frá lagalegum rétti og ríkjandi hugmyndafræði til þess, sem við fjölskyldunni hefur blasað