Í skólanum er skemmtilegt að vera : áhrif leikrænnar tjáningar og leikja sem kennsluaðferða

Ritgerð þessi er lokaverkefni höfundar til B.Ed gráðu í grunnskólakennarafræði við Háskóla Íslands. Kveikjan að vinnslu hennar voru fregnir af skorti á áhuga og vellíðan hluta grunnskólanema auk reynslu höfundar af slíku úr eigin fjölskyldu. Megin markmið verkefnisins er að kanna áhrif leikrænnar tjáningar og leikja á líðan og árangur nemenda í námi. Fræði voru skoðuð í þeim tilgangi að fá svör við rannsóknarspurningunni: Hvaða líkur eru á að leikræn tjáning og leikir sem kennsluaðferðir auki ánægju og árangur nemenda í námi. Ritgerðin er í nokkrum liðum, fyrst eru nám og þroski barna skoðuð í fræðilegu ljósi. Þar á eftir er farið yfir niðurstöður rannsókna á starfsháttum í skólum landsins, líðan nemenda og viðhorfum þeirra til náms. Að lokum fjallar höfundur um leikræna tjáningu og leiki sem kennsluaðferðir. Helstu einkenni þessara aðferða og áhrif þeirra á nemendur eru metin í fræðilegu samhengi við nám, þroska og líðan barna. Niðurstöður höfundar benda eindregið til þess að notkun leikrænnar tjáningar og leikja sem kennsluaðferða hafa jákvæð áhrif á líðan nemenda og geta þannig bætt afköst þeirra í námi