Hvert á að leita? : upplýsingarit fyrir foreldra fatlaðra barna á Vestfjörðum

ÞroskaþjálfabrautMegintilgangur þessa verkefnis er að draga fram lykilþætti í þjónustu við fötluð börn og fjölskyldur þeirra á Vestfjörðum. Skoðaðar eru skilgreiningar á hlutverkum þeirra sem veita þjónustu í ljósi gildandi laga og þeirra hugmyndafræðilegu gilda sem þau grundvallast á. Sérstök áhersla var lögð á að skoða þjónustuna út frá almennum mannréttindum og þróun velferðakerfisins. Fjallað er um sögulega þróun í málefnum fatlaðra á Vestfjörðum í tengslum við þróun hugmyndafræðinnar og breytingar á lögum um málefni fatlaðra. Skoðuð er framtíðarstefna stjórnvalda varðandi málaflokkinn og þjónustu sveitarfélaganna á svæðinu. Í verkefninu er gerð könnun á viðhorfum foreldra fatlaðra barna til þeirrar þjónustu sem í boði er. Tilgangurinn var að fá þeirra sýn á félagslega þjónustu við fötluð börn til þess að niðurstöður mætti nýta til þess að styðja við umbætur. Var megindleg aðferðarfræði notuð við úrvinnslu á gögnum. Niðurstöður könnunarinnar sýndu fram á að foreldrar eru almennt ánægðir með þá þjónustu sem er í boði á svæðinu. Aftur á móti fannst mörgum þeirra upplýsingar um réttindi og þjónustuúrræði ekki aðgengilegar. Verkefninu fylgir upplýsingarit sem ætlað er að vera leiðarljós foreldra barna sem grunur leikur á að séu með þroskafrávik. Ritinu er ætlað að verða þeim til aukinna þæginda og veita upplýsingar um þá þjónustu sem í boði er á Vestfjörðum og á landsvísu. Lykilorð: Upplýsingarit, foreldrar, Vestfirðir, Fötlun