Sveigjanleg starfsmannastefna: Fjölskylduvænn kostur?

Ritgerð þessi fjallar um sveigjanlega starsfmannastefnu og hvort hún sé fjölskylduvæn. Spurt var hvaða þróun hefur átt sér stað á vinnumarkaði, hver þörfin er fyrir sveigjanlega starfsmannastefnu og hafa fjölskyldur ávinning af henni. Að lokum var spurt hvort hægt sé að krefjast þess að starfsmannstefna sé bæði sveigjanleg og fjölskylduvæn í efnahagslægð. Ritgerðin er heimildarritgerð sem hófst með því að kynna sér verkefnið „Hið gullna jafnvægi“ sem Gallup og Reykjavíkurborg unnu að saman árin 2000-2001. Út frá því voru fundnar fleiri heimildir sem studdu við það verkefni sem og að svara ofangreindum rannsóknarspurningum. Unnið var með tölur bæði frá Hagstofu Íslands og Fæðingarorlofssjóði til að styðja við fræðin. Í stuttu máli má segja að sveigjanleg starfsmannastefna er stefna sem segir til um hvar, hvenær og hversu lengi vinna er unnin og það geti verið fjölskylduvænt ef vel er að staðið. Farið er yfir þróun á vinnumarkaði síðstu áratugi og hvernig þörfin fyrir sveigjanlega starfsmannastefnu hefur aukist ár frá ári. Sýnt er fram á að fjölskyldur hafi ávinning af sveigjanlegri starfsmannastefnu, en einnig starfsmenn og fyrirtæki. Að lokum er sýnt fram á ávinning fyrirtækja og starfsmanna af sveigjanlegri og fjölskylduvænni starfsmannastefnu og hvernig það getur aðstoðað fyrirtæki í óvissuástandi og efnahagslægð