Sáttamiðlun í sakamálum

Sáttamiðlun er þekkt víða um heim sem úrræði fyrir málsaðila vegna ýmis konar ágreinings. Hefur það aukist víðsvegar nú síðustu áratugi að boðið sé upp á sáttamiðlun fyrir einstaklinga bæði í einkamálum og sakamálum. Sáttamiðlun hefur verið mjög virkt úrræði á Norðurlöndunum og hefur á síðustu árum verið að ryðja sér til rúms hér á landi. Í ritgerð þessari er því velt upp hvort innleiða ætti sáttamiðlun í sakamálum inn í íslenska löggjöf og þá með hvaða hætti. Nokkur tilraunaverkefni hafa verið í gangi hér á landi síðustu ár sem gefa góða niðurstöðu. Má þar helst nefna verkefnið Hring þar sem sáttamiðlun var kynnt sem ný leið í afbrotum barna svo og tilraunaverkefni um sáttamiðlun í sakamálum sem dómsmálaráðherra hrinti af stað. Farið verður yfir þróun sáttamiðlunar í sakamálum á Norðurlöndunum og sérstaklega litið til ungra afbrotamönna svo og kynferðisafbrota. Hafa fjölmörg verkefni farið þar fram og verða nokkur þeirra tekin til skoðunar. Fjalla vel flest verkefnin um unga afbrotmenn en aðeins eitt um sáttamiðlun í kynferðisglæpum sem fram fer í Danmörku. Verður því einnig litið til rannsóknar sem gerð var í Bandaríkjunum um sáttamiðlun í slíkum málum. Að lokum verða niðurstöður kynntar og mat höfundar á því hvort innleiða ætti sáttamiðlun í sakamálum inn í íslenska löggjöf