Almenningsóþarfi? Almenningsþörf í skilningi 72. gr. stjórnarskrárinnar

Ásælni mannsins í veraldlegar eignir hefur fylgt honum frá upphafi. Hún á sér rætur í innsta frumeðli mannsins og af henni eru hugmyndir okkar um eignarrétt sprottnar. Vangaveltur og deilur um hver skuli fara með réttinn yfir eignum og verðmætum og hvernig sá réttur skuli vera, hafa litað mannkynssöguna fremur en flest annað sem maðurinn lætur sig varða. Þær hafa tekið á sig margs konar mynd og áhersluatriðin eru ótalmörg, allt frá hagnýtum sjónarmiðum hagfræðinnar til sanngirnis- og réttlætissjónarmiða, eða frá hugmyndum um allsherjarvald æðri máttarvalda til kenninga um einstaklingsbundin réttindi allra manna, o.s.frv. Umfjöllun þessarar ritgerðar miðast við hin síðastnefndu sjónarmið um einstaklingsbundin réttindi allra manna, sem í daglegu tali eru nefnd mannréttindi