Viðhorf til náms og kennslu í dönsku

Ritgerð þessi er lögð fram til fullnustu B.Ed gráðu við Menntavísindasvið Háskóla Íslands. Meginviðfangsefni ritgerðarinnar er viðhorf til dönskunáms, -kennslu og kennsluaðferða. Komið er inn á sögu dönskukennslunnar á Íslandi, þróun tungumáls, máltöku, máltileinkunarferlið. Þá er fjallað um færniþættina fjóra en mikilvægt er að samtvinna þá í tungumálakennslu. Komið er inn á þróun kennsluaðferða í gegnum tíðina. Bent er á mikilvægi tjáskiptamiðað náms til að virkja munnlega færni nemenda í tungumálanámi. Að lokum verða niðurstöður kynntar úr könnun sem gerð var á viðhorfi nemenda í efstu bekkjum þriggja grunnskóla í Kópavogi til dönskunáms, -kennslu og kennsluaðferða. Niðurstöður benda til nemendur í efstu bekkjum grunnskólans telji ekki mikilvægt að kunna dönsku en viljinn er fyrir hendi að verða fær um að lesa, skrifa, tala og hlusta á dönsku Við gerð ritgerðarinnar hef fengið leiðsögn hjá Michael Dal, lektor og vil ég þakka honum fyrir veittar upplýsingar og leiðbeiningu