Endurskoðun á óvissutímum

Ritgerð þessi er fræðileg og fjallar um endurskoðun á Íslandi. Við heimildaöflun voru gagnabankar nýttir, stuðst við fræðibækur og skýrslu rannsóknarnefndar Alþingis. Fyrst og fremst er litið til endurskoðunar fyrirtækja á Íslandi, hvert markmið endurskoðunar er og hvaða reglum skuli fylgt. Töluvert er fjallað um þá starfstétt sem hefur leyfi til endurskoðunar en það eru löggiltir endurskoðendur. Fjallað er um þær kröfur sem gerðar eru til endurskoðenda, hlutverk þeirra og ábyrgð. Farið er yfir helstu verkefni endurskoðenda og almennt ferli við endurskoðun. Í lok endurskoðunarferlis gefur endurskoðandi álit sitt á því sem hann skoðaði í sérstakri skýrslu. Bæði er rætt um skýrslurnar, gagnrýni á þær og hvaða tilgangi þær þjóna. Síðast er farið yfir niðurstöðu rannsóknarnefndar Alþingis á þeim efnum sem tengjast innri og ytri endurskoðendum fjármálakerfisins fyrir fjármálahrunið haustið 2008