Einhverfa og kennsluaðferðin TEACCH

Fötlunin einhverfa er ekki ný undir sólinni. Gera má ráð fyrir því að hún hafi alltaf verið til. Það var þó ekki fyrr en í kringum 1940 sem fræðimaður að nafni Leo Kanner fór að rannsaka og skrifa um einhverfu. Skilgreining einhverfu er því tiltölulega ný af nálinni. Einhverfa er fötlun sem ekki verður læknuð að fullu en halda má einkennum hennar niðri, sé gripið nógu snemma inn í aðstæður með gagnreyndum aðferðum. Í ritgerð þessari verður varpað ljósi á hvaða hlutir einkenna einhverfu, hverjar birtingarmyndir hennar eru og hversu miklu máli kennsluaðferðin TEACCH skiptir fyrir einhverf börn í grunnskólum