Hvar er ljósmyndin? Um fjarveru samtímaljósmyndara í Íslenskri listasögu

Í þessari ritgerð er reynt að leita skýringa á fjarveru samtímaljósmyndara í Íslenskri listasögu sem kom út árið 2011. Hér er stiklað á stóru í íslenskri ljósmyndasögu og gerð tilraun til að tengja íslenskan listveruleika við skrif erlendra fræðimanna um efnið þar sem við á. Safneign bæði Listasafns Íslands og Listasafns Reykjavíkur hefur farið stækkandi á undanförnum árum þegar kemur að verkum samtímaljósmyndara. Ljósmyndinni hefur verið gert hærra undir höfði eins og má meðal annars merkja af því að árið 2010 var Listahátíð í Reykjavík sérstaklega helguð ljósmyndinni. Sú þróun gaf annan tón en þann sem var látinn klingja þegar Íslensk listasaga var rituð