Einhverfa : einhverfir nemendur í leik- og grunnskóla

Verkefnið sem hér fer á eftir fjallar um einhverfu og einhverfa nemendur í leik- og grunnskóla á landsbyggðinni. Við vinnslu verkefnisins er fjallað fræðilega um einhverfu og söguna. Sem verðandi kennari og móðir drengs á einhverfurófi hef ég mikið hugsað um það hvernig hægt sé að koma til móts við einhverfa nemendur innan veggja skólans og í náminu, hvernig hægt sé að sjá til þess að þeim líði vel og hvernig hægt sé að haga kennslustundum svo allir nemendur njóti sín og enginn verði útundan. Spurningarlistar voru lagðir fyrir þrjár stofnanir í bæjarfélagi á landsbyggðinni þar sem leitast var eftir því hvernig væri unnið með einhverf börn, hvernig þjálfun væri í boði fyrir nemendur og hvernig stuðning þeir fengju. Markmið verkefnisins er að greina frá aðstæðum einhverfra nemenda innan skólana. Mig langaði til að heyra í kennurum einhverfra barna og fá þeirra álit á því hvernig einhverfum nemendum gangi innan bekkjardeildanna. Helstu niðurstöður eru þær að öflugt starf er unnið innan skólakerfisins, einhverfu nemendurnir fá góðan stuðning í skólanum en samt sem áður væri hægt að gera gott starf enn betra með því að auka stuðninginn við þessa nemendur, svo þeir geti tekið meiri þátt í bekkjarstarfinu