Minniháttarregla samkeppnisréttar

Í ritgerðinni er fjallað um minniháttarreglu samkeppnisréttarins og þau skilyrði sem sett eru fyrir um beitingu minniháttarreglu 13. gr. samkeppnislaga. Í upphafi verður farið í stuttu máli yfir uppruna og markmið samkeppnisréttarins og er vikið að þeim lagabreytingum á íslensku samkeppnislögunum sem varða 13. gr. samkeppnislaga. Í næstu köflum er lagt upp með að því að skýra mikilvægi þess að skilgreina réttan markað vöru eða þjónustu og fjallað er um markaðshlutdeild fyrirtækja og efnahagslegan styrkleika fyrirtækja. Í fjórða kafla ritsins er næst fjallað um 10. gr. samkeppnislaga og reynt að skýra þau helstu hugtök sem þarfnast skýringar í tengslum við ákvæðið, telur höfundur það vera mikilvægt þar sem að minniháttarregla 13. gr. samkeppnislaga veitir samningum fyrirtækja undantekningu frá 10. gr. sömu laga. Af þeim sökum eiga sömu hugtök við um 10. og 13. gr. samkeppnislaga. Í fimmta kafla ritsins er fjallað um minniháttarregluna, bæði er vikið að því hvernig hún birtist í íslenskum samkeppnislögum og einnig í evrópskum samkeppnisreglum, síðar í þeim kafla verður einnig skoðuð framkvæmdin á reglunni, bæði fyrir íslenskum samkeppnisyfirvöldum og Evrópudómstólnum. Í sjötta kafla og síðasta megin kafla ritgerðarinnar er gerður samanburður á íslensku reglunni og þeirri evrópsku, einnig er farið yfir þá kosti og galla sem höfundur telur að minniháttarregla 13. gr. samkeppnislaga hafi í för með sér. Að lokum eru dregnar saman helstu niðurstöður.This essay discusses the de minimis rule of competition law and the conditions that must be met according to the de minimis rule of Article 13 of the Icelandic competition law. The origins and objectives of competition law will be covered in brief, as well as the amendment of Icelandic competition law relating to Article 13. The following chapters will be devoted to the importance of defining the relevant market and discuss the market share and economic strength of the undertakings market. The fourth chapter of the essay will discuss Article 10 and explain the basic concepts that need clarification in relation to the article due to the fact that the de minimis rule provides contracts exception from Article 10. For this reason the same basic principles apply for Article 10 and Article 13 of the Icelandic competition law. The fifth chapter focuses on the de minimis rule, demonstrating its occurrence both in Icelandic competition law and in European competition law. Case law concerning the de minimis rule will also be examined. In the sixth chapter, the author compares the appearance of the de minimis rule in domestic law versus the European competition law and discusses its advantages and disadvantages. The main results will be summarized in conclusion