Ófrjósemi kvenna: Áhrif á líðan í parasamböndum

Þessi ritgerð fjallar um ófrjósemi kvenna og hvernig það hefur áhrif á líðan í parasamböndum. Markmið ritgerðarinnar er að kanna hvort og þá hvernig ófrjósemi hefur áhrif á líðan beggja aðila í parasambandinu og vekja þannig athygli á málefninu og hvernig hægt sé að stuðla að betri líðan hjá pörum sem glíma við ófrjósemi. Í ritgerðinni er fræðileg umfjöllun hvað varðar ófrjósemi, kenningar, niðurstöður rannsókna, áhrif ófrjósemi á parasambandið og hlutverk félagsráðgjafa. Rannsóknarspurningin er hefur ófrjósemi áhrif á líðan fólks í parasamböndum? Ef svo er, á hvaða hátt? Helstu niðurstöður ritgerðarinnar eru að ófrjósemi hefur mikil áhrif á pör og parasambandið og áhrifin eru misjöfn. Ófrjósemi getur valdið kvíða og þunglyndi hjá parinu. Áfallakreppan sem parið verður fyrir í kjölfarið á greiningu ófrjósemi er með alvarlegri sem par getur orðið fyrir. Það er ljóst að ófrjósemi er mun algengari en almennt er haldið og má segja að aukin aðsókn er í tæknifrjóvgunarmeðferð. Sífellt fleiri konur þurfa að sækja um að komast í tæknifrjóvgunarmeðferð. Niðurstöður ritgerðarinnar sýna að meðferðir ófrjósemi valda miklu álagi á parið, mikilvægt er að þau sæki um aðstoð hjá ráðgjafa. Félagsráðgjafar gegna því mikilvæga hlutverki í þessum málaflokk að veita stuðning og aðstoð fyrir parið