Human trafficking: Trafficking and Prostitution Icelandic Reality

Mansal flokkast sem skipulögð brotastarfsemi. Mansal er nútímaþrælahald þar sem einstaklingar eru hlutgerðir og ganga kaupum og sölu víðs vegar um heiminn. Brotið felur í sér mikinn hagnað fyrir litla áhættu og virðist sem umfang þess fari vaxandi. Fórnarlömb koma úr aðþrengdum ríkjum þar sem stofnanir eru veikburða og efnahagur lakur. Hlutverk fórnalamba eru ólík eftir tilgangi gerandans. Flest fórnarlömb eru konur og börn, þar sem hlutverk þeirra er að fullnægja eftirspurn í kynlífsiðnaði. Þá er algengast að fórnarlömb séu þvinguð til að stunda vændi. Alþjóðasamfélagið hefur nú opnað augu sín fyrir mansali og sameinast um nauðsyn þess að sporna við slíkri verslun. Ýmsir samningar hafa verið gerðir til að draga úr umfangi, samhæfa og efla aðgerðir gegn mansali. Hér verður sjónum beint að verslun með konur sem seldar eru í vændi, afleiðingum og aðgerðum gegn slíkri verslun. Fjallað verður um hlutdeild Íslendinga í baráttunni gegn mansali, ásamt því að varpa ljósi á tengsl mansals og vændis í íslenskum veruleika