Hvaða áhrif hefur það á systkini þegar fatlað barn fæðist inn í fjölskyldu?

BA ritgerð þessi fjallar um hvaða áhrif það hefur á systkini þegar fatlað barn fæðist inn í fjölskyldu. Rannsóknarspurningar ritgerðarinnar leitast eftir að fá sýn systkina á það hvernig það er að alast upp með fötluðu systkini. Markmið ritgerðarinnar er að varpa ljósi á hvort eða hvernig systkini bregðast við þegar þau eignast fatlað systkini. Ritgerðin byggir annars vegar á fræðilegum heimildum um skilgreiningu á fötlun, fjölskylduna og systkinin og hins vegar á eigindlegum rannsóknaraðferðum og gagnaöflun. Tekin voru viðtöl við fjóra einstaklinga sem öll höfðu alist upp með fötluðu systkini, þó á mismunandi tímum. Helstu niðurstöður ritgerðarinnar eru þær að gríðarlega mikill munur hefur á undanförnum áratugum orðið á því að alast upp með fötluðu systkini þar sem þjónustan við bæði foreldra og systkinin er mun meiri í dag heldur en fyrir um þrjátíu árum