Sjálfsuppbygging leikskólabarna : fræðileg umfjöllun og hagnýtar upplýsingar

Greinargerð og handbókÞessi greinagerð fjallar um uppeldisaðferð, sem greinir sig frá og er í andstöðu við atferlismótandi aðferðir í uppeldi sem mótast hafa út frá tilraunum við skilyrðingar og áhuga á ytri stýringu. Aðferðin sem hér er til umfjöllunar nefnist Uppeldi til ábyrgðar – uppbygging sjálfsaga. Aðalmarkmið hennar er að ýta undir sjálfsaga og sjálfsstjórn barna með því að skapa aðstæður fyrir barnið til að læra af mistökum sem það gerir í samskiptum við aðra, því gengið er út frá þeirri grundvallarhugmynd að enginn geti í raun stjórnað öðrum – aðeins sjálfum sér. Hún þjálfar börn í að skynja og greina frá tilfinningum og líðan og gera sér grein fyrir helstu þörfum sínum og einnig hvað þeim finnst mikilvægast. Börnin læra af mistökum sínum og læra að koma með lausnir í samvinnu við kennara sína. Tenging er á milli leikskólastarfsins og Uppeldis til ábyrgðar. Sjálfsskoðun og sjálfsmat er lykilþáttur í aðferðinni og því er mikilvægt að byrja á sjálfsskoðun starfsmanna skólans áður en haldið er í vinnu með börnum. Handbókin fjallar um hvernig starfsfólk leikskóla getur nýtt sér aðferðina í vinnu sinni með börnum. Markmiðin með greinagerðinni er að kynnast helstu þáttum uppbyggingar og að rökstyðja hvers vegna Uppeldi til ábyrgðar er vænleg starfsaðferð í leikskóla. Í aðalnámskrá leikskóla er m.a lögð áhersla á að í leikskóla séu vinnubrögð lýðræðisleg, stutt sé við sjálfstæði og tilfinningaþroska barna. Að styðjast við aðferðir Uppeldis til ábyrgðar er vænleg leið til þess að mæta þessum og fleiri markmiðum Aðalnámskrár leikskóla