Eignastýring tryggingafélaga: Bestun eignasafna háð kröfum Solvency II um eiginfjárbindingu

Í ritgerðinni er fjallað um þær breytingar sem orðið hafa á rekstrarumhverfi tryggingafélaga á Íslandi eftir innleiðingu Solvency II. Áhættuþættir og regluverkið sjálft er ýtarlega útskýrt en einnig er farið yfir helstu kenningar og aðferðir fjármálafræðanna. Meginefni þessa verkefnis er eignastýring tryggingafélaga og hvernig búa megi til framföll fyrir gefnar forsendur og eignasöfn sem talin eru að skili árangri. Reynt er að svara þeirri rannsóknarspurningu hvernig best sé að haga fjárfestingum fyrir aðila sem heyra undir Solvency II. Tilgreint er hvaða eignasöfn skila minnstu dreifni og hámörkun á Sharpe-hlutfallinu fyrir gefnar forsendur og söguleg gögn. Sýnt er fram á þann mun sem kann að vera á óaðlagaðri kröfu um eiginfjárbindingu og aðlagaðri. Jafnframt verður tilgreint hvernig haga mætti samsetningu eignasafna fyrir vænta eiginfjárbindingu og ávöxtun og sýnt fram á bestu eignasamsetninguna. Niðurstöðurnar eru fengnar með notkun Solver í forritinu excel og eru þær settar fram á auðlæsilegan hátt með myndum. Þegar eignasöfnin eru skoðuð má sjá breytileika á staðalfráviki og eiginfjárbindingu sem skýrist fyrst og fremst vegna þeirrar styrkingar á íslensku krónunni sem hefur einkennt síðustu 5 ár