Fóstureyðingarlög og viðhorf til fóstureyðinga í þvermenningarlegu samhengi

Umfjöllunarefni ritgerðarinnar eru fóstureyðingarlög og viðhorf til fóstureyðinga. Markmiðið er að skoða hvernig ólíkar menningarlegar hugmyndir og söguleg samhengi hafa mótað bæði fóstureyðingarlög og viðhorf til fóstureyðinga innan mismunandi ríkja. Farið er yfir þætti sem hafa haft áhrif á fóstureyðingarumræðuna líkt og persónuhugtakið og tækniframfarir á sviði fósturgreininga. Fjallað er sérstaklega um fóstureyðingarlög og viðhorf til fóstureyðinga í þremur ólíkum heimshlutum, Bandaríkjunum, Evrópu og Rómönsku Ameríku, og skoðaðar eru meðal annars þær hindranir sem standa í vegi fyrir því að konur geti sótt sér fóstureyðingarþjónustu á þessum stöðum. Niðurstaðan sýnir að mismunandi fóstureyðingarlög og ólík viðhorf til þeirra megi rekja til ólíkra menningarlegra hugmynda og hefða, ásamt nýrri tækni, sem hafa áhrif á það hvort ríki styðji eða hamli fóstureyðingar. Einnig er ljóst að ýmsar hindranir geta staðið í vegi fyrir því að konur geti farið í fóstureyðingu þrátt fyrir að þær séu löglegar