Þættir sem hafa áhrif á starfsánægju hjúkrunarfræðinga á skurðsviði Landspítalans

Lokaverkefni þetta byggir á stærri rannsókn um starfsánægju hjúkrunarfræðinga á skurðdeildum Landspítala Háskólasjúkrahús. Rannsóknin var unnin og framkvæmd af leiðbeinanda þessa verkefnis á haustmánuðum ársins 2009. Tilgangur þessa verkefnis var að skoða hvort hvatning og tækifæri í starfi hafi áhrif á starfsánægju þeirra hjúkrunarfræðinga er þar starfa. Úrtak rannsóknarinnar voru hjúkrunarfræðingar sem vinna á skurðsviði landspítalans (n=189), svarhlutfall var 49%.Helstu niðurstöður rannsóknarinnar sýndu að starfsfólk er frekar ánægt í störfum sínum eða um 86%, þegar spurt er út í ánægju í núverandi starfi. Einnig kom í ljós að þeir starfsmenn með tvö börn undir 18 ára á heimilinu hafa hvað mesta starfsánægju. Hvatning skýrir einungis 6,7% af ánægju starfsfólks en tækifæri í starfi skýra 39,9%. Miðað við umræðu í þjóðfélaginu í dag og innan heilbrigðisgeirans um skort á hjúkrunarfræðingum og mikils vinnuálags kom á óvart að starfsfólk virðist vera nokkuð eða mjög ánægt með mönnun á deildum eða tæp 70% og rúmlega helmingur þátttakenda eru ánægðir með vaktabyrgði. Af þessum niðurstöðum má draga þá ályktun að starfsfólk á skurðsviðum Landspítalans sé frekar ánægt með störf sín og telja álagið hæfilegt þrátt fyrir mikinn niðurskurð á spítalanum