Rannsókn á hittni handknattleiksmanna : fylgni milli kastaðferða

Þar sem markmið handknattleiks er að skora fleiri mörk en andstæðingurinn þá er hittni í handknattleik mjög mikilvæg færni. Í þessari rannsókn var hittni handknattleiksmanna mæld í fjórum kastaðferðum. Yfirhandarskot með og án atrennu, undirhandarskot með atrennu og uppstökksskot með atrennu. Fjörutíu handknattleiks-menn köstuðu tíu sinnum með hverri kastaðferð í skotskífu sem gaf mest fimm stig fyrir hvert kast. Niðurstöður rannsóknarinnar leiddu í ljós að munur á hittni út frá leikstöðu leikmanna var ekki marktækur og að fylgni á hittni milli kastaðferða var jákvæð lítil eða mjög lítil. Þessar niðurstöður eru sambærilegar niðurstöðum Haga, Pedersen og Sigmundsson (2008) á fylgni milli tveggja líkra hreyfinga og styðja kenningu Edelman um hreyfinám og mikilvægi sértækrar þjálfunar. Höfundur bendir á vankanta rannsóknarinnar og leggur fram hugmyndir að frekari rannsóknum