Takmörkun á upplýsingarétti almennings sökum einkamálefna 1. málsl. 1. mgr. 9. gr. upplýsingalaga

Frá meginreglu upplýsingalaga nr. 140/2012 um að almenningur eigi rétt til aðgangs að gögnum eru lögfestar nokkrar undantekningar. Í ritgerð þessari mun ég fjalla um eina slíka undantekningu sem lögfest er í 1. málsl. 1. mgr. 9. gr. upplýsingalaga. Sá málsliður er tvískiptur og fjallar annars vegar um undantekningu vegna einkamálefna einstaklinga og hinsvegar um fjárhagsmálefni einstaklinga. Fyrri liðurinn mun koma hér til umfjöllunar þ.e. undantekningar á aðgangi vegna einkamálefna einstaklinga. Farið verður yfir hvaða upplýsingar falla undir einkamálefni og réttlæta þar með frávik frá meginreglunni um aðgang almennings og skoðað hvar reglur um það er að finna, skrif fræðimanna um efnið, hvaða sjónarmiðum stjórnvöldum er heimilt að beita við matið og hvernig þetta birtist í framkvæmd hjá úrskurðarnefnd um upplýsingamál