Ábyrgar Fjárfestingar

B.Sc. verkefnið fjallar um ábyrgar fjárfestingar og hvernig íslenskir fjárfestingarsjóðir geta innleit ábyrga fjárfestingarstefnu. Ábyrgar fjárfestingar eru í raun hefðbundnar aðferðir fjárfestinga með tilliti til ESG (e. Environmental, social and governance) þátta en ESG stendur fyrir umhverfi, samfélag og stjórnarhættir. Tekin voru fyrir helstu viðmið og aðferðir sem sjóðum standa til boða ásamt því að fjalla um hvað ábyrgar fjárfestingar eru og hvers vegna sjóðir ættu að taka upp slíka aðferðarfræði. Tekin voru viðtöl við aðila hjá fimm íslenskum stofnanafjárfestum, Gildi Lífeyrissjóður, Íslandssjóður – Íslandsbanki, Lífeyrissjóð Verzlunarmanna (LIVE), Markaðir – Landsbankinn og Vátryggingarfélag Íslands (VÍS). Í ljós kom að allir þessir aðilar eru að notast við ábyrgar fjárfestingar en í mis miklum mæli þó. Einnig notast þeir að sumu leyti við sömu viðmið og aðferðir en allir áttu það sameiginlegt að vera stíga sín fyrstu skref í þessum málum en eru komnir mis langt í því ferli og eru í því að setja sér formlega stefnu og ákveða næstu skref. Meginástæður fyrir því að sjóðir eru að mynda sér stefnu um þessi mál eru að þetta er frábært tæki til þess að notast við í eignar- og áhættustýringu ásamt því að til langs tíma lágmarkar þetta áhættu og eykur ávöxtun, en á sama tíma vilja flestir aðilar nýta sér tækifæri í þessum málum og gera betur í sinni starfsemi með tilitil til umhverfisins og samfélagsins sem þeir starfa í. Helstu tækifærin sem þeir sjá í þessum málum eru að fjárfesta í sjálfbæri orku og grænum skuldabréfum og á sama tíma telja þeir þetta vera tíðarandann í dag og þetta sé það sem koma skal í heimi fjárfestinga