Frá orðum til athafna : gildi leiksins sem námsaðferð í samræmi við hugmyndafræði Hjallastefnunnar

Í lögum um leikskóla frá árinu 2008 er kveðið á um að starfshættir kennara skuli mótast af umburðarlyndi, jafnrétti, lýðræðislegu samstarfi, ábyrgð og sáttfýsi. Jafnframt er þar tekið fram að leikskólinn skuli leggja grundvöll að því að börn verði sjálfstæðir, virkir og ábyrgir þátttakendur í lýðræðisþjóðfélagi sem er í örri og sífelldri þróun (Lög um leikskóla nr. 90/2008). Hjallastefnan hefur þessi lög að leiðarljósi í starfi sínu og við gerð þessa verkefnis og val á leikjum í hugmyndamöppuna var tekið mið af þessum lögum. Hugmyndamöppunni er ætlað það hlutverk að skapa leiðir fyrir kennara í starfi sínu með ungum börnum og senntíma styrkja og ýta undir alla þroskaþætti barna. Hugmyndafræði Hjallastefnunnar er kynnt og þær lotur sem starfið byggir á og leikirnir í hugmyndamöppunni taka mið af. Rætt er um leikinn sem námsleið og færð rök fyrir því hvers vegna þeir leikir sem rötuðu í hugmyndamöppuna eru tilvaldir fyrir stúlkur annars vegar og drengi hins vegar. Leikirnir ættu að efla stúlkur og drengi og undirbúa þau til að vera þátttakendur í lýðræðis þjóðfélagi. Lykilorð: Hugmyndamappa