Höfundaréttur háskólakennara. Um höfundarétt í launþega- og verktakasamböndum með áherslu á höfundarétt kennara við opinbera háskóla

Markmið þessarar ritgerðar er þríþætt. Í fyrsta lagi að skoða hvernig stöðu höfundaréttinda í launþega- og verktakasamböndum er háttað og hvort að vinnuveitandi eða verkkaupi geti öðlast höfundarétt að verkum sem starfsmenn hans eða verktakar skapa í störfum sínum. Í öðru lagi er markmiðið að skoða hvernig höfundaréttur kennara við opinbera háskóla passa við þær reglur sem gilda almennt um launþega- og verktakasambönd og í þriðja lagi er fjallað um það hvort að almenningur geti á grundvelli upplýsingalaga nr. 140/2012 átt rétt á aðgangi að gögnum sem kennari á lögvarinn rétt að skv. ákvæðum höfundalaga nr. 73/1972. til að svara fyrsta álitaefninu voru reifaðar fræðigreinar og dómaframkvæmd um framsal höfundaréttinda í launþega- og verktakasamböndum og voru þær niðurstöður sem komist var að síðan heimfærðar á annað álitaefnið, um höfundarétt háskólakennara. Til að svara þriðju spurningunni um aðgang almennings að gögnum sem kennarar hafa skapað var litið á ákvæði upplýsingalaga og öll helstu hugtök skýrð. Komist var að þeirri niðurstöðu að í langflestum tilfellum ætti almenningur aðgang að þeim gögnum sem háskólakennarar kynnu að eiga lögvarinn rétt yfir skv. ákvæðum höfundalaga