Leikur og samskipti yngstu barnanna í leikskólanum

Í þessu verkefni er sagt frá rannsókn sem framkvæmd var á yngstu deild leikskóla á höfuðborgarsvæðinu. Í rannsókninni er leikur yngstu barnanna skoðaður, hvað einkennir hann og einnig eru samskipti barnanna í leik skoðuð. Meðal þeirra fræðimanna sem stuðst er við í verkefninu eru Gunvor Løkken, Ingrid Pramling Samuelsson og Monika Röthle. Í niðurstöðum rannsóknarinnar kemur fram að leikur yngstu barna leikskólans er mjög fjölbreyttur, þau leika í einleik en eru einnig farin að leika saman. Einnig kemur fram í niðurstöðunum að börnin hafa mikil samskipti sín á milli í leik og að þessi samskipti séu að miklu leiti líkamleg, þ.e. bendingar, svipbrigði og þess háttar. Þessi ungu börn eru mjög fær í leik og samskiptum og hafa sumir fræðimenn vanmetið getu þeirra