Sköpum tengsl milli skólastiga - fyrr og nú : staða þróunarverkefnis með áherslu á nemendur með sérþarfir

Í þessari ritgerð er fjallað um þróunarverkefni um sköpun tengsla á milli skólastiga, sem hófst skólaárið 2000-2001 milli Reykholtsskóla (nú Bláskógaskóla) og leikskólans Álfaborgar í Bláskógabyggð. Farið er yfir helstu kenningar um og rannsóknir á samfellu milli skólastiga sem og lög og reglugerðir sem ná yfir menntun og rétt barna. Sjónum er beint að og svara leitað við því hvernig verkefnið hefur þróast í gegnum árin, hvernig samskiptum kennara er háttað varðandi flutning nemenda á milli skólastiga og hvernig tekið er á málum nemenda með sérþarfir. Viðtöl voru tekin við skólastjóra beggja skóla, talmeinafræðing sem starfar á báðum stöðum og þá kennara sem koma að samstarfsverkefninu í dag og rætt um stöðu verkefnisins og hugmyndir þeirra um áframhaldandi þróun