Kaupmaðurinn á horninu

Greinargerð þessi er hluti af mastersverkefni mínu í hagnýtri menningarmiðlun við Háskóla Íslands og er metið til 30 eininga. Ég tók mér tvær annir til þess að vinna verkið, haustið 2016 og vorið 2017. Verkefnið fjallar um hverfandi menningarheim kaupmannana á horninu. Ljósmyndamiðillinn var notaður til þess að fanga hinn magnaða anda sem býr inn í þessum verslunum, sem ekki er hægt að lýsa með orðum. Ég fór hringinn í kringum landið til þess að heimsækja og mynda alla þá kaupmenn sem eftir eru hér á landi. Ljósmyndirnar voru svo settar saman í bók. Ljósmyndirnar eru hjartað í þessu verkefni en greinargerðin er nauðsynleg til þess að skilja verkið og verkferlið betur. Í henni fáum við að kynnast framkvæmd verkefnsins, fræðilegum hugmyndum um hvers vegna þeir eru að hverfa, hversdagsleikanum og skyggnumst aðeins inn í sögu kaupmannsins á horninu