Nýjar slóðir: Áttun, Fimm þættir úr lífi kvenna

Áttun: Ljóð. Sumarið er tími ferðalaga. Stefnan tekin á Ísland. Leita fleiri staða, finna nýjar víddir á þessu draumkennda, háleita en um leið kaldrifjaða landi. Finn mig alltaf svo vel á ferð. Hreyfingin svo mikilvæg fyrir andann ekki síður en líkamann. Og ferðalagið hófst í tvöfaldri merkingu í byrjun sumars. Húsbíllinn gerður klár og lagt af stað út í óvissuna. Engin plön. Keyra þangað sem hugurinn leiddi mig og leyfa ljóðunum að fæðast án skilyrða á misjöfnum vegunum, í rigningarsudda, íslensku slagviðri og á björtum sumarnóttum þar sem tjaldurinn og lyngið útsettu sinfóníu fyrir skilningarvitin. Fimm þættir úr lífi kvenna: Smásögur. Sögurnar fjalla allar um konur sem eru ósáttar við líf sitt, þrá breytingu og viðurkenningu annarra. Sögupersónurnar eru allar vinkonur. Þeim líkar misvel hver við aðra en þær hafa þessi dýrmætu vináttutengsl kvenna. Þær þurfa allar að fara í gegnum niðurlægingu og athlægi almennings. Þær finna styrk í vináttunni og sameiginlegri baráttu við að skapa sína eigin útgáfu af tilverunni, af sannleikanum