Námsmatsaðferðir í landafræði á unglingastigi

GrunnskólabrautÍ þessari ritgerð koma fram helstu niðurstöður á eigindlegri rannsókn á því hvernig námsmati í landafræði á unglingastigi sé háttað og hvernig það endurspeglar markmið Aðalnámskrár grunnskólans. Rannsókn þessa gerði ég í þremur misstórum skólum á Norðausturlandi með því taka viðtöl við landafræðikennara skólanna. Kennararnir voru fimm og höfðu þeir mislanga kennslureynslu, frá tveimur árum upp í tuttugu ár. Helstu niðurstöður eru þær að viðhorf kennaranna til námsmats og hvers konar námsmat þeir viðhöfðu er nokkuð mismunandi eftir kennslureynslu og skólum. Þeir sem hafa mestu reynsluna virðast stunda hefðbundnara námsmat en hinir sem hafa kennt skemur. Allir kennararnir eru þó sammála um að ef mæla eigi öll markmið sem sett eru fram í aðalnámskránni sé nauðsynlegt að hafa fjölbreytt námsmat, svokallað alhliða námsmat. Allir eru þeir sammála um að alls ekki eigi að sleppa skriflegum eða munnlegum prófum, því þekking og hæfileiki verði að haldast í hendur svo betri árangur náist