Skólafélagsráðgjöf. Hlutverk og markmið

Í þessari námsritgerð eru áherslur í starfi skólafélagsráðgjafa skoðaðar og leitast við að skoða hlutverk þeirra og markmið innan skólakerfisins. Alkunna er að flest börn og ungmenni glíma við ýmis konar vandamál á langri skólagöngu sinni en vandamálin geta verið námsleg eða félagsleg eða jafnvel hvoru tveggja. Hlutverk skólafélagsráðgjafa er einmitt að ná til þessara einstaklinga eða hópa því að snemmtæk íhlutun skólafélagsráðgjafa getur haft mikið að segja hvað viðkemur líðan barna og aukið velferð þeirra og jöfnuð innan skólakerfisins. Skólafélagsráðgjafar vinna út frá heildarsýn og huga því að velferð barna út frá fjölmörgum þáttum, meðal annars líðan barnsins, aðstæðum heimavið, hegðun, vandamálum og fleiru