Hvað þarf til?

Ágrip Leikskólinn er fyrsta skólastig barnsins og er fyrir börn að skólaskyldu aldri. Foreldrar geta sjálfir valið skóla fyrir barnið sitt eftir hverfi, stefnu, og hvar áhugamál þeirra liggja. Foreldrar geta valið úr einkareknum skólum, og skólum reknum af sveitafélögum, mjög margt er í boði fyrir foreldra. Ég ákvað sjálf að kynnast nýjum skóla og valdi mér Waldorf leikskóla til að starfa á. Ég hafði enga hugmynd um hvað skólinn hafði upp á að bjóða eða út á hvað skólinn gekk, fyrir mér var þetta nýr heimur. Það sem mér hefur fundist við veru mína hér í þessum leikskóla eru að þessar áherslur sem eru öðruvísi og voru í fyrstu mjög einkennilegar, eru að venjast. Þær spurningar sem vöknuðu hjá mér eins og hvað með hópastarf, hvað með söngstundir, bækur, sögustundir eða listakrók, leikföng, eða undirbúningstíma kennara. Hvað með Aðalnámskrá leikskóla, hvar er námskráin, eru engar athuganir eða skráningar, og mat á því sem við erum að gera. Stjórnunin er einnig öðruvísi hér en ég á að venjast. Þetta er einkarekinn leikskóli en er með samning við Reykjavíkurborg og við þurfum að uppfylla ákveðin skilyrði hér. Það sem var einnig nýtt fyrir mér var árstíðarhringurinn sem stuðst var við en ekki hefðbundin skólanámskrá, hér er farið eftir árstíðarhring. Enginn vafi er á því að allir þeir sem vinna með börnum og gera það með hjartanu stuðla að velferð barnsins, en ef nota á nafn Rudolf Steiner í leikskólanum eða í starfsheiti sínu þarf að vita út á hvað hugmyndafræði hans gengur og hvað það er sem ætlast er til kennaranum. hvað þarf að vera til staðar, og vita hvað það er sem Rudolf Steiner meinti