Verkefnamiðuð tungumálakennsla

Þessi ritgerð er lokaverkefni til B.Ed. prófs í grunnskólakennarafræðum við Menntavísindasvið Háskóla Íslands. Hér verður fjallað um verkefnamiðaða tungumála-kennslu og sýnt fram á hversu gagnleg hún er í tungumálakennslu, sér í lagi í dönskukennslu. Fyrst verður fjallað stuttlega um mikilvægi þess að læra nýtt tungumál og hvað það felur í sér, sem og færniþættina fjóra. Svo verður fjallað um þá þróun sem hefur átt sér stað í kennsluaðferðum í erlendum tungumálum. Þá er hugtakið verkefnamiðuð tungumálakennsla útskýrt og farið yfir hvers vegna kennarar ættu að kynna sér þessa aðferð í kennslu. Að lokum verða gefin tvö kennsludæmi þar sem sýnt verður hvernig hægt er að nota tjáskiptaverkefni í kennslu. Tilgangur með þessu verkefni er að sýna fram á mikilvægi þess að nemendur fái tækifæri til þess að tjá sig á markmáli og að kennarar fylgist með þeirri þróun sem á sér stað varðandi tungumálakennslu og hvetji nemendur sína með fordæmi til að tjá sig sem mest á markmáli