Arðsemi íslenskra ferðaþjónustufyrirtækja

Fjöldi erlendra ferðamanna hefur aukist ár frá ári og ferðaþjónustan er ein af mikilvægustu útflutningsgreinum þjóðarinnar. En hver er arðsemi fyrirtækja í greininni? Höfundar ákváðu að beina athyglinni að árunum 2004 til 2007 en þau einkenndust af miklum uppgangi í íslensku efnahagslífi. Kennitölurnar arðsemi eigin fjár, arðsemi eigna, hagnaðarhlutfall og veltuhraði eigna voru reiknaðar út fyrir helstu fyrirtækjahópa innan ferðaþjónustunnar. Við útreikningana var notast við upplýsingar sem Hagstofa Íslands hefur unnið upp úr ársreikningum fyrirtækja. Niðurstöður rannsóknarinnar benda til þess að arðsemi helstu fyrirtækjahópa innan ferðaþjónustunnar hafi verið lítil á uppgangsárunum 2004-2007 og að hún hafi verið mun minni en arðsemi annarra íslenskra fyrirtækja að meðaltali á sama tímabili