Þegar grunur vaknar um ADHD

Í þessari ritgerð verður fjallað um ferlið frá því að grunur vaknar um ADHD hjá barni og þar til greining er komin. Litið verður á hvaða úrræði eru í boði og hvernig unnið er með nemendur í grunnskólum. ADHD er röskun á taugaþroska og hefur röskunin áhrif á daglegt líf, félagslega stöðu og nám einstaklings án þess að hafa endilega áhrif á greind. Með ADHD fylgja oft aðrar raskanir ásamt því að hafa áhrif á sjálfsmynd einstaklings sem og tilfinningar. ADHD hefur áhrif á skólagöngu og krefst mikils af kennurum hvað varðar þekkingu og úrræði, auk samvinnu við aðrar stofnanir. Markmið rannsóknarinnar var að kanna hvert ferlið væri og hvaða úrræði væru í boði. Framkvæmd var viðtalsrannsókn í tveimur skólum; öðrum á landsbyggðinni og í hinum á höfuðborgarsvæðinu. Upplýsinga var aflað í gegnum viðtalsrannsókn og tekin voru viðtöl við tvo starfsmenn í hvorum skóla. Niðurstöður rannsóknarinnar benda til þess að úrræði fyrir börn í grunnskóla séu óformlega hafin áður en greiningarferli lýkur og jafnvel áður en það hefst. Skólinn nýtur einnig stuðnings frá öðrum stofnunum sem koma að ferlinu. Mikilvægt er að kennarar og annað starfsfólk skóla sé meðvitað um hvaða úrræði séu í boði fyrir nemendur með ADHD