Þróun ferða og útivistar í frístundum og skólastarfi

Tilgangur þessarar ritgerðar er að skoða sögu og þróun ferða og útivistar á Íslandi fram á miðja 20. öld, ásamt því að skoða fyrstu hugmyndir íslenskra skólamann sem tengdust reynslunámi og útikennslu hérlendis. Sjónum verður beint sérstaklega að þeim vestrænu, alþjóðlegu áhrifum og samfélagslegu breytingum sem áhrif höfðu á viðfangsefnið. Hér er glímt við þá spurningu; hvenær og hvernig varð útivist að því útilífi og útivist sem við þekkjum í dag í nútíma samfélagi og hvernig varð sú þróun hér á Íslandi? Fjallað er um þær samfélagsbreytingar sem fylgdu rómantísku stefnunni, upplýsingunni og iðnbyltingunni frá 18. öld og höfðu áhrif á þróun ferða og útivistar. Hugmyndir heimspekinga og skálda höfðu mikil áhrif ásamt hugmyndum fræðimanna í uppeldis- og kennslugreinum sem studdu til óformlegrar kennslu og reynslunáms. Þau erlendu áhrif og menningarstraumar sem vörðuðu útivistina og kallaðar eru Grænar bylgjur, bárust líka til Íslands samhliða þjóðfélagslegum breytingum með nýjum viðhorfum og upplýsingu 18. og 19. aldar. Breytingarnar verða þess valdandi að nýjar hugmyndir um útivist, náttúruskoðun og síðar umhverfisvernd taka við. Í þessari heimildarritgerð er því fortíðin rakin og spegluð í samtíðinni. Kannaðar eru rannsóknir á gildi útivistar sem renna stoðum undir jákvæð áhrif útivistar á fólk ásamt því að sýna jákvæða tengingu við skólastarf og frístundir