Brýtur umskurður drengja gegn Samningi Sameinuðu þjóðanna um réttindi barnsins?

Umskurður drengja hefur ekki verið fyrirferðarmikið álitaefni í íslenskum rétti í sögulegu samhengi. Engum lagaákvæðum er til að dreifa um slíkar aðgerðir á drengjum og þær eru hvorki leyfðar né bannaðar með berum orðum í lögum. Aftur á móti hefur umskurður drengja rutt sér til rúms í umræðunni í kjölfar lagafrumvarps sem lagt var fram á 148. löggjafarþingi Íslands, Alþingi, veturinn 2017-2018 um breytingu á almennum hegningarlögum, nr. 19/1940 sem fól í sér að umskurður á kynfærum drengja yrði gerður refsiverður. Í rökstuðningi frumvarpsins kom m.a. fram að umskurður drengja bryti gegn Barnasáttmála Sameinuðu þjóðanna. Í þessari ritgerð verður gerð tilraun til að svara þeirri spurningu hvort að umskurður drengja brjóti gegn Barnasáttmálanum. Í því skyni verður gert grein fyrir þeim ákvæðum Barnasáttmálans er hafa þýðingu í þessu sambandi, öðrum fræðilegum heimildum ásamt að gert verður grein fyrir dómaframkvæmd sem skipt getur máli um álitaefnið