Innflytjendur og félagslegar áskoranir: Starf félagsráðgjafa með innflytjendum

Hlutfall innflytjenda hefur aukist hratt hér á landi síðustu áratugi og hefur samfélagið tekið miklum breytingum á þeim tíma. Aðlögun innflytjenda er áskorun, bæði fyrir viðkomandi innflytjenda og eins fyrir samfélagið. Samfélagið þarf að vera viðbúið því að hingað komi einstaklingar með aðrar þarfir og aðra menningu en þekktist áður. Það er einnig mikil áskorun að flytjast búferlum til nýs lands og að læra inn á nýtt samfélag svo vel sé. Í þessari ritgerð verður fjallað um innflytjendur og þær áskoranir sem þeir þurfa margir hverjir að takast á við áður en þeir ná að laga sig að nýju samfélagi. Þær áskoranir eru bæði lagalegs eðlis og aftur samfélagslegar áskoranir sem eru mjög mismunandi milli einstaklinga, allt eftir þeirra upplifun á samfélaginu og eins hver þeirra bakgrunnur er. Stefnumótun stjórnvalda hefur mikið að segja um það hvernig samfélagið aðlagar sig að þeirri fjölmenningu sem nú ríkir og hefur meðal annars áhrif á það hvernig aðgengi er að ýmissi þjónustu, eins og félagsráðgjöfum. Starf félagsráðgjafa með innflytjendum í gagnkvæmri aðlögun að samfélaginu er mjög mikilvægt og krefst mikils undirbúnings