Velferðartækni og mögulegir ávinningar

Aldraðir og fatlaðir eru þeir einstaklingar sem þarfnast fyrst og fremst aðstoðar í okkar samfélagi. Vegna lækkandi fæðingartíðni undanfarinna ára þá má vænta að það verði skortur á vinnuafli sem þarf til að halda uppi þjónustu bæði við vaxandi fjölda eldra fólks og fatlaðs fólks. Velferðartækni hentar ungum sem öldnum og gæti gagnast við að leysa þau verkefni sem takmarkað vinnuafl hefur í för með sér og fyllt upp í skarðið á skertu vinnuafli hjá velferðarþjónstunni fyrir aldraða og fatlaða. Af þessum ástæðum vaknaði áhugi að leita svara við rannsóknarspurningunni: Í hverju liggur mögulegur ávinningur af notkun velferðartækni í þjónustu við aldraða og fatlaða? Til þess að fjalla um mögulegan ávinning af notkun velferðartækni og að hvaða marki velferðarþjónustan við aldraða og fatlaða geti notið góðs af möguleikum velferðartækni. Í því skyni athugaði ég rannsóknir, fræðigreinar, lagði mat á kosti og galla á notkun velferðartæknis til þess að reyna að undirbyggja mál mitt. Niðurstöður verkefnisins eru að velferðatækni virðist geta haft fjölþættan ávinning sem gagnast ekki aðeins einstaklingum sem þurfa aðstoð vegna öldrunar eða fötlunar, heldur líka og ekki síður aðstandendum þeirra. Um leið getur notkun á velferðartækni létt á samfélagsþjónustunni og skapað ný störf. Þar af leiðandi má færa rök fyrir að velferðatæknin hafi fjölbreytilegan ávinning fyrir notendur og samfélagið í heild