Gildi sjálfræðis í uppeldi barna

Markmið þessarar rannsóknarritgerðar er að vekja athygli foreldra á gildi stuðnings við sjálfræði í uppeldi barna og hvernig uppeldishættir séu best til þess fallnir að styðja við sjálfræði. Sjálfræði þýðir að athafna sig í samræmi við eigin áhuga og sannfæringu. Sjálfræði okkar takmarkast þó af sjálfræði annarra og lýtur að innri aga. Sjálfsákvörðunarkenning verður kynnt til sögunnar en hún fjallar um sjálfræði sem mikilvægan þátt áhugahvatar. Stuðningur við sjálfræði eflir sjálfstjórnun og þegar foreldar styðja við sjálfræði barna sinna eykst sjálfstiltrú þeirra í kjölfarið. Stuðningur við sjálfræði barna felst meðal annars í því að veita þeim val, hvetja til frumkvæðis, veita hvatningu og hrós og vera virkur þátttakandi í lífi þeirra