Súrefnismettun sjónhimnuæða í vægri vitrænni skerðingu

Með hækkandi meðalaldri fólks og framförum í heilbrigðisþjónustu hefur tíðni heilabilana aukist. Alzheimer sjúkdómur (AS) er algengasta form heilabilunar. Væg vitræn skerðing (e. mild cognitive impairment, MCI) er oft fyrsta klíníska teikn heilabilana, svo sem Alzheimer sjúkdómsins. Meginbreytingar eiga sér stað í heilavef en rannsóknir hafa einnig sýnt fram á breytingar í sjónhimnu Alzheimer sjúklinga. Súrefnismælingar í sjónhimnu (e. retinal oximetry) greina breytingar í efnaskiptum súrefnis en þær geta verið vísbendingar um breytingar í sjónhimnu. Lítil forrannsókn, Anna Bryndis o.fl. 2015, hefur verið framkvæmd þar sem sást marktækur munur á súrefnismettun í slag- og bláæðum sjónhimnu hjá einstaklingum með meðalsvæsinn (e. Moderate) Alzheimer í samanburði við heilbrigða. Markmið þessarar rannsóknar var skoða súrefnismettun í sjónhimnuæðum hjá einstaklingum með forstig heilabilunar (MCI) og var notast við rannsóknarþýði úr hóprannsókninni „Eðli og framvinda vitrænnar skerðingar“. Gerður var samanburður við heilbrigt þýði.Vísindasjóður Landspítal