Tilveruréttur og fjármögnun ríkisfjölmiðla

Réttlæting ríkisreksturs fjölmiðla snýst ef til vil um það hvort menn aðhyllist sjónarmið frjálshyggju eða opinbera íhlutun. Þeir sem eru andvígir ríkisrekstri á fjölmiðlum styðja mál sitt gjarnan með markaðslegum rökum. Þeir sem hlynntir eru ríkisrekstri hafna þeim og benda á markaðsbresti. Flestir eru sammála um að mikilvægt sé að efni fjölmiðla sé fjölbreytt. Því hefur gjarnan verið haldið fram að frelsi og fjölbreytni í eignarhaldi sé besta leiðin til að tryggja þetta. Ýmislegt bendir þó til þess að þetta standist ekki, fjölbreytni í eignarhaldi leiði af sér marga litla og um leið einsleita fjölmiðla. Fjármögnun ríkisfjölmiðla snýst um meira en efnahagslega skynsemi og efnisvirði fjármagnsins. Þar blandast saman hlutlæg rök hagfræðinnar og huglæg rök menningar. Fjármögnunarleiðir ríkisfjölmiðla þurfa líka að vera efnahagslega framkvæmanlegar, stjórnmálalega hentugar og félagslega ásættanlegar