Skýring og heimfærsla verknaðaraðferða nauðgunar

Mikilvægt er að hafa verknaðarlýsingu refsiákvæða þannig úr garði gerðar að þær taki til flestra atvika sem tilteknu refsiákvæði er ætlað að vernda. Nauðgun er samkvæmt almennri málvenju það þegar kynmök fara fram án samþykkis þolanda. Í verknaðarlýsingu 194. gr. almennra hegningarlaga nr. 19/1940 eru tilgreindar aðferðir sem eiga taka til þessara tilvika en skortur á samþykki er ekki einn af efnisþáttum þess. Í ritgerðinni er farið yfir þá háttsemi sem þarf að eiga sér stað í aðdraganda kynmaka til þess að þau teljist refsinæm samkvæmt ákvæðinu. Reynt er að gera grein fyrir inntaki þeirra og mörkum þeirra á milli og hvort ákvæðið nái til allra þeirra kynmaka sem fara fram þar sem samþykki annars aðilans til þeirra skortir