Börn náttúrunnar - Börn tækninnar

Þetta verkefni skiptist í tvo hluta, annars vegar greinargerð og hinsvegar verkefnasafn. Í greinargerðinni er fjallað um útikennslu og tengsl mannsins við náttúruna, áhrif hennar á líðan fólks og siðferðisleg álitamál sem tengjast náttúrunni og umhverfinu. Þar er einnig komið inn á mikilvægi þess að auka lesskilning nemenda í náttúrufræðum með því að efla tengsl þeirra við náttúruna og umhverfið. Hugtakið sjálfbærni er einn af grunnþáttum menntunar og því er mikilvægt að vekja áhuga nemenda á hvað felst í sjálfbærni. Nemendur þurfa að fá tækifæri til að mynda tengsl við náttúruna og umhverfið því það að þykja vænt um náttúruna er meginforsenda þess að þeim standi ekki á sama hvað verður um hana í framtíðinni og fái áhuga á náttúru- og umhverfisvernd. Í seinni hlutanum eru fimm verkefni kynnt til sögunnar sem eru á sviði náttúru- og umhverfisfræði. Þau eru ætluð til útikennslu á skólalóðinni eða í nánasta umhverfi hennar. Auk þeirra eru hugmyndir að fleiri verkefnum settar fram. Tilgangur verkefnisins er að sýna fram á að skólalóðin og nánasta umhverfi hennar eru kjörin til að efla náttúru- og umhverfisvitund barna