Stjórnstöð ferðamála: Aðdragandi, eðli og hlutverk

Markmið þessarar ritgerðar er að svara eftirfarandi rannsóknarspurningum: Hver eru einkenni, eðli og hlutverk Stjórnstöðvar ferðamála með tilliti til fræðilegra skilgreininga á opinberum rekstri? Einnig, hvaða tengsl eru á milli tilrauna stjórnvalda til stefnumótunar í ferðamannaiðnaði og tilurðar Stjórnstöðvar ferðamála? Til að svara þessum spurningum verður notast við kenningar John W. Kingdons um stefnumótun til að sjá aðdraganda að stofnun Stjórnstöðvar ferðamála. Kenningar Lester M. Salamons um stjórntæki og mælikvarðar hans verða notaðir. Þá verða skoðuð stefnubandalög og beint stjórnvald. Skoðuð verður virkni Stjórnstöðvarinnar frá upphafi til dagsins í dag og hvaða umhverfi er í kringum Stjórnstöð ferðamála í dag. Rakin verður saga hennar og skoðaðir helstu atburðir sem gerst hafa í kringum hana. Stefnubandalög einkaaðila og stjórnsýslunnar verður skoðuð til að athuga hvort það hafi heppnast í tilfelli umfjöllunarefnisins og einnig verður staða hennar innan stjórnsýslunnar skoðuð. Það verður gert með því að skoða skýrslu sem Ríkisendurskoðun birti um ferðamannaiðnaðinn á Íslandi. Niðurstaðan er sú að Stjórnstöð ferðamála er stefnubandalag sem var ætlað að taka að sér hlutverkið að reka og samhæfa það sem opinberir aðilar áttu að sinna en gátu ekki. Tilurð Stjórnstöðvar ferðamála er afleiðing þess að ekki tókst að móta stefnu, skipta upp hlutverkum, tímasetja markmið með fyrirfram tilgreindum ábyrgðaraðilum innleiðingar