Sjóðstreymi

Sjóðstreymi er einn af mikilvægari köflum ársreikninga en hlutverk þess er að veita upplýsingar um hvernig handbært fé og ígildi þess hefur breyst yfir reikningstímabilið. Sjóðstreymisyfirlit skal vera samið eftir lögum og settum reikningsskilareglum og skal vera óaðskiljanlegur hluti af ársreikningi. Sjóðstreymisyfirliti er yfirleitt skipt upp í þrjá flokka, þ.e. rekstrarhreyfingar, fjárfestingarhreyfingar og fjármögnunarhreyfingar. Í þessum flokkum er að finna upplýsingar sem fjárfestar og aðrir notendur nýta til að meta fjárhagsstöðu fyrirtækis. Til að mynda er sérstaklega litið til stærðarinnar handbært fé frá rekstri en hún gefur til kynna hversu mikið handbært fé skapast af daglegum rekstri og er þar af leiðandi vísbending um greiðslugetu fyrirtækis. Við framsetningu á rekstrarhreyfingum í sjóðstreymi er hægt að notast við beinu, óbeinu eða blönduðu aðferðina. Samkvæmt alþjóðlega reikningsskilastaðlinum IAS 7 er mælt með notkun beinu aðferðarinnar, en hérlendis eru þó mest megnis notaðar óbeina og blandaða aðferðin. Fjallað verður nánar um þessar aðferðir og uppsetningu þeirra. Að lokum verður litið á kennitölur, en það eru reiknaðar fjárhagsstærðir sem geta komið að góðu gagni við greiningu á sjóðstreymi. Greint verður frá gagnsemi kennitalna og fjallað sérstaklega um þær kennitölur sem lúta að sjóðstreymi