Kvenfélagið mitt. Heimildamynd um Kvenfélag Hólahrepps

Diskur fylgir prentaða eintakinu sem er varðveitt í Landsbókasafni Íslands - HáskólabókasafniÞessi greinargerð er hluti af meistaraverkefni mínu í Hagnýtri menningarmiðlun og fjallar um vinnuferlið við miðlunarhluta verkefnisins sem er heimildamynd um Kvenfélag Hólahrepps. Í greinargerðinni útskýri ég tildrög hugmyndarinnar, markmið verkefnisins, tengsl mín við efnið og fer yfir vinnuferlið. Ég rökstyð einnig fræðilega val mitt á bæði efni og aðferð til að miðla því og skoða aðra möguleika miðlunar. Miðlunarhlutinn er heimildamynd sem er byggð á viðtölum við sjö af konunum í kvenfélaginu og upptökum af því sem allar kvenfélagskonurnar hafa verið að gera í vetur. Í henni skoða ég starf kvenfélagsins, og kanna viðhorf kvennanna til þess hvort að kvenfélög eigi erindi í dag, hvort að þeim finnist að starf kvenfélaga skipti máli fyrir þær sjálfar, samfélagið og kvennabaráttu og hvort að þær haldi að þetta form kvennamenningar sem kvenfélögin eru muni lifa áfra